Carlsson systrarnar bera Merkið fyri Føroyar

Tað verða badmintonleikararnir og systrarnar, Brynhild og Rannvá, sum ganga fremst í føroysku leguni, tá oyggjaleikirnir verða settir í kvøld.

Brynhild Djurhuus Carlsson skal bera merkið, og Rannvá Djurhuus Carlsson skal bera vatnið.

Vatnhátíðarhaldið er fastur partur av setanini. Hvør oyggj hevur vatn við til leikirnar, sum verður koyrt í eitt felags kar.

Oyggjaleikirnir verða settir í kvøld klokkan 19.00 á Howard Davis parkini, sum liggur mitt í høvuðsstanum í Jersey, St.Hellier.

Umleið 5.000 fólk koma til setanina, siga fyriskipararnir.

Setanin verður stroymað beinleiðis á kvf.fo