Marknaeftirlitið heldur fram

Marknaeftirlitið varð sett í gildi 4. januar, og skuldi vara í 10 dagar, fyri at sleppa undan at flóttafólk vórðu noydd at steðga á í Danmark, tí tey ikki sluppu til Svøríkis.

Nú hevur so Danmark gjørt av at leingja marknaeftirlitð til fyrst í februar. Tað verður gjørt fyri at tryggja lóg og landaskil, sigur ráðharrin í útlendinga- og integratiónsmálum, Inger Støjberg.

SÍ EISINI Marknaeftirlit sett í verk við týska markið

ES-nevndin hevur góðtikið danska marknaeftirlitið, sum er á 15 plássum í Danmark, har fólk úr Týsklandi koma.

200 løgreglufólk hava kannað fremmandu fólkini sum koma til landið. Danska stjórnin ætlar kortini ikki at herða eftirlitið, stendur í boðunum frá stjórnini.