Meira inn í avgjøldum

Samgongan hækkaði punktgjaldið á bensini 30 oyru og 25 oyru á dieselolju á nýggjárinum.

Bjørn Kalsø, løgtingsmaður, spurdi Kristinu Háfoss, landsstýriskvinnu, hvussu nógv hækkaðu avgjøldini hava kostað bileigarum í ár.

SÍ EISINI Dýrari brennievni kann fíggja aðrar útreiðslur

Greitt er, at landskassin hevur fingið góðar fýra milliónir meira í ár, men innflutningurin var ikki tann sami sum í fjør.

Í ár komu 800.000 litrar av bensini minni, men tríggjar milliónir litrar meira av dieselolju til Føroya. Ein litur av bensini kostar 16 oyru meira nú enn 18. september í fjør.

Men ein litur av dieseli er 15 oyru bíligari nú. Skattanevndin, sum landsstýriskvinnan setti í síðstu viku, skal eisini viðgera avgjøldini á brennievni.