Handtikni maðurin leyslatin

Maðurin, ið varð handtikin í Týsklandi í gjár í samband við atsóknina í Berlin, er nú leyslatin aftur. Tað skrivar tiðindastovan hjá Ritzau.

40 ára gamli maðurin úr Tunis var undir illgruna fyri at hava havt samband við 24 ára gamla Anis Amri, ið er undir illgruna fyri at hava framt álopið.

SÍ EISINI Tikin fyri yvirgangsálopið í Berlin

Yvirgangsmaðurin rændi ein lastbil frá einum bilførara úr Póllandi, sum hann gjørdi av við. Síðani koyrdi hann inn í eina mannamúgvu á einum jólatorgi í Berlin.

Til samans 12 fólk lótu lív og 56 onnur vórðu løstað á jólatorginum í Berlin 19. desember, tá yvirgangsmaðurin koyrdi inn í mannamúgvuna við lastbilinum.