Samgongufundur í dag um fiskivinnunýskipanina

Samgongan fer á fundi fyrrapartin at viðgera fiskivinnunýskipanina, sum ætlanin er at leggja fram aftur í næstu tingsetu, sum byrjar leygardagin.

Men í hvørjum líki, uppskotið kemur aftur í tingið, fæst ikki at vita frá landsstýrinum.

Samgonguumboðini í Vinnunevndini høvdu 42 broytingar í álitinum um uppskotið hjá Høgna Hoydal, landsstýrismanni.

Uppskotið um fiskidagarnar næsta fiskiár skal latast Løgtingsskrivstovuni triðja yrkadagin fyri framløguna ólavsøkudag.

Og hann var í gjár, um ólavsøkuaftan ikki telur við hjá løgtinginum sum yrkadagur.

Fiskiárið byrjar 1.september.