Kundar hjá BankNordik hava goldið tvær ferðir

Kundarnir høvdu goldið tvær ferðir fyri okkurt av tí, teir høvdu keypt við gjaldskortinum.

BankNordik viðurkennir, at trupulleikar hava verið við gjaldskortunum hjá kundunum í Danmark.

- Hetta er hent av misgávum, sigur Árni Ellefsen, stjóri í BankNordik, sum ikki vil gera bandaða samrøðu við útvarpið.

Pengarnir eru ikki afturgoldnir

Fyrra bókingin var antin týsdagin 8. august ella mánadagin 14. august, men sama upphædd varð eisini tikin av kontuni hósdagin 17. august.

Donsku viðskiftafólkini gjørdu vart við mistakið hósdagin, men bankin hevur framvegis ikki goldið teimum pengarnar aftur.

Eisini sjálvt um bankin og dátumiðstøðin, sum varðar av skipanini, hava roynt at fingið viðurskiftini í rættlag um vikuskiftið.

Men tað verður skjótast tilber, at kundarnir fáa pengarnar aftur, sigur bankastjórin.

Skulu kenna seg trygg í Føroyum

KT-trupulleikar er orsøkin til, at pengar eru tiknir av kontuni tvær ferðir.

Árni Ellefsen vissar kortini um, at viðskiftafólkini hjá BankNordik í Føroyum skulu kenna seg trygg.

Bankin brúkar ikki somu skipan í Føroyum sum í Danmark, og tí eru tað bara kundar í Danmark, sum bankin av misgávum hevur tikið pengar frá tvær ferðir.