Japanar svika við stáli, aluminium og kopari

Triðstørsta stálverkið í Japan, Kobe Steel, hevur falsað við góðskuni á stáli, kopari og á aluminium, og felagið er komið í satt ódnarveður, tí vøran verður seld bæði til flogverksmiðjur og til bilverksmiðjur kring heimin.

Avdúkingin hevur havt við sær, at virðið á fyritøkuni er fallið niður í næstan einki. Nógvar stórar fyritøkur kring heimin hava keypt vøruna frá japanska stálverkinum, m.a. Boeing og Airbus, sum gera flogfør og bilfyritøkurnar, General Motors, Tesla og franska bilfyritøkan, PSA.

Stjórin í fyritøkuni, Naoto Umehara, hevur viðgingið, at virðingin fyri fyritøkuni er fallin niður í einki. Hann hevur eisini viðgingið, at fyritøkan hevur selt stál, aluminium og kopar til minst 200 fyritøkur kring heimin, vørur sum eru nýttar bæði í flogførum og í bilum.

Tíðindini um gøluna fóru at ganga, tá japanska bilfyritøkan, Nissan, noyddist at kalla aftur 1,2 milliónir bilar, tí teir vóru góðskukannaðir av fólki, sum ikki høvdu skil fyri tí sum tey fingust við, skrivar blaðið, Financial Times.