Útnorðurráðið vil steðga rúsevnunum í Arktis

Íslendski hátturin at fyribyrgja, at ung brúka rúsevni, skal brúkast á allari norðurpólsleiðini, í Arktis.

Útnorðurráðið hevur á fundi sínum í Grønlandi gjørt yvirlýsing saman við The Iceland Centre for Social Research and Ana-lysis um verkætlan, sum skal byrgja fyri, at ung í Arktis brúka rúsevni.

Útnorðurráðið gjørdist eygleiðari í Arktiska ráðnum í mai í fjør.

Tá avgjørdi ráðið at leggja dent á vælferðina hjá fólkinum í Arktis.

Ísland dugir

Íslendski hátturin at fyribyrgja rúsevnanýtslu gevur úrslit og verður nú eisini brúktur í øðrum londum.

Fyri at fyribyrgja rúsevnisnýtslu er neyðugt fyrst at skráseta, hvussu stór, hon er. 

Og tað er júst ætlanin við samstarvinum millum Útnorðurráðíð og íslendska stovnin.

Útnorðurráðið fer nú at leggja yvirlýsingarætlanin fyri arbeiðsbólkin hjá Arktiska ráðnum, sum fæst við burðardygga menning.

Verkætlanin umfatar bæði rúsdrekka, rúsevni og tubbak.