May setir spurnartekin við eitran av njósnara

Tann spurningurin er á skránni, tá Theresa May, forsætisráðarri, í dag fer at hitta fleiri ráðharrar, fregnartænastuleiðarar og herleiðarar í landsins trygdarráði.

BBC sigur, at trygdarráðið fer at viðgera spurningin, um nóg nógv prógv eru, sum kunnu siga, hvør skipaði fyri eitringini, og um nøkur stig skulu takast.

Bæði njósnarin, 66 ára gamli Sergei Skripal, og 33 ára gamla dóttir hansara, vórðu eitrað í bretska býnum Salisbury. Tey liggja bæði á sjúkrahúsi, og støðan er álvarsom, sigur BBC. 

Í 2006 dømdi ein russiskur dómstólur Sergei Skripal 13 ára fongsul fyri at hava njósnast fyri bretsku fregnartænastuna, MI6.

Í 2010 varð hann latin leysur, tá Russland og USA útflýggjaðu njósnarar, og síðani hevur Skripal verið í Bretlandi.

Russiska stjórnin hevur fleiri ferðir víst aftur, at Russland hevur nakað við málið at gera.

Bretski forsætisráðharrin, Boris Johnson, hevur sagt, at Bretland fer at svara aftur, verður tað prógvað, at Russland var uppií, tá Skripal og dóttir hansara vórðu eitrað.