Konni Kass á Roskilde Festival 2018

Tá Roskilde Festival fer av bakkastokki í summar verður tað við einum føroyskum bólki á skránni.

Talan er um føroysku Konni Kass, sum við bólki sínum fer at framføra á størsta tónleikafestivalinum í Norðurlondum.

Tað kendist óveruligt

Avtalan um at spæla kom í lag gjøgnum danska bookarin hjá Konni Kass, og sjálv fegnast hon øgiliga nógv um hetta.

- Tað kennist ordiliga gott, og tað er nakað, sum eg altíð hava ynskt mær at eg eina ferð fór at gera, sigur Konni Kass, ið syngur og leggur navn til bólkin. 

Sjálv hevur Konni verið ofta á Roskilde, so fyri hana var tað ein dreymur at vera biðin um at spæla.

- Eg havi altíð gingið á Roskilde og droymt um, at eg ein dagin slapp at standa á pallinum har. Tað føldist óveruligt at fáa tað at vita.

Spírandi talent

Konni Kass skal spæla týsdagin tann 3. juli á Rising-pallinum, ið er serstakur pallur fyri spírandi tónleikarar.

Fyrr hava bólkar sum MØ, Icona POP og Susanne Sundfør framført her, skrivar Roskilde Festival á heimasíðuni.