Nýggj rakett skal kanna lív í rúmdini

Í nátt sendi amerikanski rúmdarstovnunin, NASA, eina rakett út í rúmdina, sum næstu tvey árini skal kanna nýggjar planetir, og møguleiga eisini, um lív kann vera á planetunum.

NASA sigur seg rokna við, at rakettin fer at finna minst 20.000 sonevndar eksoplanetir, sum eru í ringrás um aðrar stjørnur enn sólina. Roknað verður við, at 50 av teimum verða á stødd við jørðina. Eisini verður væntað at finna 300 aðrar planetir, sum eru tvær ferðir so stórar sum jørðin.

Nógvar ymsar kanningar skulu gerast hesi tvey árini, og granskarar vænta at fáa nógv burturúr.

Talan er um eina kostnaðarmikla ætlan, sum fer at kosta meir enn 2,6 milliardir krónur.

Niðanfyri eru myndir frá Twitter-vanganum hjá SpaceX, sum var á staðnum, tá rakettin varð send upp í rúmdina.

New div after blockquote

Liftoff! https://t.co/gtC39uBC7z pic.twitter.com/bIitVNX28p

— SpaceX (@SpaceX) April 18, 2018

New div after blockquote

More photos from yesterday's Falcon 9 launch of @NASA_TESS → https://t.co/095WHX44BX pic.twitter.com/7Rb7NDIUgc

— SpaceX (@SpaceX) April 19, 2018

Tú kanst fylgja við gongdini hjá TESS-rakettini, ið hevur sín egna Twitter-vanga á @NASA_TESS.