Italia nýggjan forsætisráðharra

Nógv bendir á, at stjórnarkreppan í Italia er um at verða av.

Fimmstjørnurørslan, sum vann stórsigur á valinum í mars, og mið-høgra samgongan eru eftir øllum at døma samd um eitt samgonguskjal og at tilnevna ein forsætisráðharra.

Italska tíðindastovan, IGI, skrivar, at formaðurin í Fimmstjørnurørsluni hevði eina stutta telefonsamrøðu við forsetan í gjárkvøldið, har hann greiddi frá, at floksleiðararnir eru til reiðar at kunngera navnið á forsætisráðharranum í dag.

Hann er hvørki úr Fimmstjørnurørlsuni ella mið-høgra samgonguni, skriva italskir miðlar. 

Á tjóðartingsvalinum 4. mars fekk Fimmstjørnurørslan 227 av teimum 630 sessunum í italska tjóðartinginum. 

Fimmstjørnurørslan hevði størstu framgongdina á valinum, men mið-høgra samgongan fekk flestar tingsessir, 265.