Løgreglumaður dømdur fyri dráp í Texas

Ein løgreglumaður í amerikanska statinum Texas er dømdur sekur fyri at hava dripið ein óvápnaðan, svartan tannáring í einum bili nærindis Dallas í apríl í fjør, skrivar AP.

Dómurin hevur vakt ans, tí tað er rættiliga sjáldan, at løgreglufólk verða dømd fyri dráp.

Nevningarnir í rættinum í Dallas vístu uppáhaldinum hjá løgreglumanninum, Roy Oliver, aftur. 

Hann segði, at hann skeyt 15 ára gamla Jordan Edwards, tí hann og ein starvsfelagi vóru í vanda.

Men starvsfelagin hjá Roy Oliver, Tyler Cross, segði í rættinum, at hann kendi seg ongantíð hóttan. 

Roy Oliver starvast ikki longur sum løgreglumaður.

Enn er ikki greitt, at nær rætturin fer áseta revsingina