Javnleik móti Írlandi

Føroyar fingu í dag javnleik 2-2 móti Írlandi í fjórða umfari á talvolympisku leikunum í Georgia. 

Írland er styrkismett tjúgu pláss ovari enn Føroyar, men tað endaði javnt á øllum fýra borðum. 

Dysturin vardi í fimm tímar. Á føroyska liðnum í dag telvaðu Helgi Dam Ziska, Olaf Berg, Martin Poulsen og Carl Eli Samuelsen. Føroyar vóru fyri dystin í dag nummar 68 í røðini av teimum 185 liðunum í kappingini. Fimta umfar verður í morgin.