- Tíðindi, mentan og ítróttur
Oscar Romero gjørdur halgimenni
Oscar Romero gjørdur halgimenni
Myrdur erkibiskupur í El Salvardor er í dag gjørdur halgimenni í Róm, 38 ár eftir at hann varð skotin til deyðis.
Tað var mánadagin 24. mars 1980, at vápnaðir menn hjá hernaðarjuntuni í El Salvador drupu Oscar Romero, sum var til arbeiðis.
Mynd: Savnsmynd
14.10.2018 - 10:42
Katólsk kirkjufólk í Miðamerika minnast myrda erkibiskupin í El Salvador, Oscar Romero, sum í dag verður gjørdur halgimenni.
Oscar Romero var friðartalsmaður undir borgarakrígnum í El Salvador. Hermenn skutu hann til deyðis undir eini guðstænastu í 1980.
Eingin er revsaður fyri morðið. Drápsmenninir fingu grið eftir krígslok í 1992.
Tað er Frans pávi, sum ger myrda erkibiskupin halgimenni í Róm í dag.
Oscar Romero fanst at báðum pørtum í borgarakrígnum í El Salvador. Millum annað bað hann hermenn hjá hernaðarjuntuni lurta eftir sínum egna hjarta og ikki akta stjórn og yvirmenn.
Tilsamans lógu 75.000 fólk eftirá, tá ið tólv ára drúgva borgarakríggið í El Salvador endaði í 1992.
Er kopiera
Nýggjastu sendingar í ÚV
Nýggjastu sendingar í SV
