Macron ger broytingar í stjórnini

Franska stjórnin stríðist við at finna stevið, og í gjár boðaði Emmanuel Macron, forseti, frá umfatandi broytingum í stjórnini - ikki færri enn fýra nýggir ráðharrar eru útnevndir.

Fyrr í mánaðinum legði Gerard Collomb frá sær sum innanríkisráðharri. Sambært eygleiðarum varð hetta gjørt eftir fleiri samanbrestir við forsetan, hóast almenna frágreiðingin var, at hann skal royna at gerast borgarstjóri í heimbýnum Lyon.

Síðani hevur verið bíðað eftir. at nýtt fólk varð valt í hansara stað.

Í gjár boðaði Emmanuel Macron, forseti, frá eini størri broyting í stjórnini.

Umframt at seta nýggjan innanríkisráðharra eru mentamálaráðharrin og landbúnaðarmálaráðharrin koyrdir til hús, og nýtt fólk er sett í teirra stað. Harumframt er ein fjórði ráðharri eisini koyrdur til hús.

Franska stjórnin stendur seg sera illa í veljarakanningunum, og forsetin er illa lýddur millum fraklendingar.