Google-starvsfólk leggja arbeiðið niður

BBC skrivar, at starvsfólkini krevja fleiri broytingar, m.a. hvussu fyritøkan handferð kynsligan ágang á arbeiðsplássinum, og at slík mál ikki skulu leggjast fyri gerðarrætt.

Hetta seinasta vildi havt við sær, at kvinnurnar høvdu havt møguleika at stevnt málini fyri rættin.

Sundar Pichai, stjóri í Google sigur sambært BBC, at hann stuðlar starvsfólkunum í teirra rætti til hesi stríðsstig.

- Eg skilji øðina og vónbrotini, sum mong tykkara føla, skrivar hann í einum teldubrævi til starvsfólkini.