Stovnarin av Polar Seafood deyður

Stovnarin av stóru fiskivinnufyritøkuni, Polar Seafood, í Grønlandi, er deyður.

Anders Brøns, sum var 68 ára gamal, varð í gjáramorgunin funnin lívleysur á sjónum í havnini í Ålborg. Seinni varð staðfest, at hann var deyður.

Politiið hevur ongan illgruna um nakað brotsverk. Teirra meting er, at Anders Brøns er dottin á sjógv og druknaður.

Polar Seafood er størsta privata fyritøkan í Grønlandi við yvir trimum milliardum krónum í árligum umsetningi.

Felagið eigur fleiri flakavirki, flakatrolarar og fiskiskip.