Sáttmáli gjørdur um at projektera langhylin í Havn

Nú verður farið undir at projektera langhylin í Havn.

Ráðgevarasáttmáli varð undirskrivaður í gjár.

Ráðgevi og arkitektur eru Selmar Nielsen Arkitektar. 

Væntandi verður langhylurin liðugur í 2022.

23.apríl í 2015 samtykti Tórshavnar býráð at fara undir at gera byggiskrá fyri langhyl við verandi svimjihøll, sum varð liðug í 1982. 

Hugskotskapping

16.juni í 2016 samtykti eitt einmælt býráð at taka undir við byggiskránni, sum bygginevndin gjørdi. 

Selmar Nielsen Arkitektar vunnu hugskotskappingina um hylin. 

Tórshavnar býráð samtykti so 13.desember í ár at gera sáttmála um projektering við Sp/f SNA. 

Langhylurin í Havn verður 25 metrar breiður og 50 metrar langur.

Í mai 2016 varð arbeiðið mett at kosta 80 mió. kr.