Eingi hæddarpunkt á kvf.fo í dag

Kringvarp Føroya hevur seinnu árini lagt seg eftir at hava hæddarpunkt frá fremstu fótbóltskappingini hjá monnum tøk á kvf.fo sum skjótast.

Hetta ber ikki til meira. Televarpið hevur keypt rættindini frá Fótbóltssambandi Føroya, og avtalan forðar fyri, at hetta nú kann lata seg gera.

Hæddarpunkt frá øðrum umfari í Betrideildini vera tó í 3-2 mánakvøldið. Tá er eisini lutakast um fyrsta umfar í Løgmanssteypinum í sendingini.

Bólturin er á skránni í útvarpinum í dag. Kringvarpið sigur frá dystinum millum Víking og KÍ.