Rættindi at fiska svartkjaft seld á uppboði í dag

Fiskamarknaðurin selir rættin at fiska 20.000 tons av svartkjafti á opnari uppboðssølu í dag klokkan eitt. Hesi rættindi eru galdandi í eitt ár.

Fiskamarknaður Føroya stendur fyri opnu uppboðssølunum, og Vørn stendur fyri afturlatnu uppboðssølunum.

Fyrsta afturlatna uppboðssølan verður hósdagin. Tá verður rætturin at fiska góð 32.000 tons av svartkjafti seld. Talan er um rættindi í eitt ár, trý ár ella í átta ár.

Fýra í apríl, ein í mai

Í ár verða seld rættindini at fiska góð 6.000 tons av makreli, stívliga 52.000 tons av svartkjafti, 40.000 tons av sild og 3.000 tons av botnfiski í Barentshavinum á uppboðssølu.

Sjey uppboðssølur eru, fýra afturlatnar og tríggjar opnar. Fýra uppboðssølur eru í apríl og ein í mai.

Uppboðssølan í dag er ikki tann fyrsta í ár. Í januar vórðu 1.276 tons av toski á Flemish Cap seld á uppboðssølu hjá Fiskamarknaðinum. Tann uppboðssølan var opin.