Fíggjarnevndin viðger Skúladepilin í Marknagili

Skúladepilin í Marknagili á er á breddanum, tá fíggjarnevndin fundast seinni í dag.

Útgangsstøði til fundin er eitt uppskot frá landsstýriskvinnuni í undirvísingarmálum um at heimila sær at skipa fyri at skúlin verður liðugur.

Byggiútreiðslurnar kunnu í mesta lagi verða góðar 14 milliónir, sum eisini er játtað á fíggjarlógini; men alt bendir á, at skúlanum tørvar fleiri milliónir, skal hann gerast liðugur.

Tí sambært seinastu kostnaðarmeting, sum Landsverk sendi fíggjarnevndini í  seinasta mánað, tørvar skúlanum í øllum førum 16 milliónir afturat í eykajáttan.

Landsstýriskvinnan í útbúgvingarmálum hevur sagt, at ráðið skuldi ganga allar eyka útreiðslurnar ígjøgnum.

Tá tað arbeiðið er liðugt, skuldi Hanna Jensen biðja løgtingið um enn fleiri pengar til Glasir.