Týskt træseglskip sokkið

Seglskipið er smíðað í 1883, og er nýliga umvælt. Øll 43 ferðafólkini við skipinum vórðu bjargað, skrivar Maritime-executive.com.

Pumpur vórðu settar umborð á seglskipið, men tær megnaðu ikki at halda skipinum flótandi og tí sakk tað. Eygnavitni siga, at træseglskipið hevði onkrar trupulleikar og stýrdi beint inn fyri bingjuskipið.

Træseglskipið, No 5 Elbe, hevur tvær mastrar, er 37 metrar langt og elsta skip, sum Maritimi grunnurin í Hamburg eigur.

Í 1920-unum var No 5 Elbe selt til USA, men í 2002 keypti Maritimi grunnurin í Hamburg skipið aftur og umvældi tað, og setti nútímans navigatións- og trygdarútgerð upp umborð.