Ikki stjóri í fimm dagar

Jonhard Hammer var ikki leingi uttan stjórasessin í Miðlahúsinum. Miðlahúsið kunnger í dag, at Jonhard Hammer er aftur stjóri í Miðlahúsinum. 

Mánadagin kunngjørdi Skrásetingin annars, at Jonhard Hammer var farin frá sum stjóri í smápartafelagnum Sosialinum.

Tvístøða hevur verið um framtíðarætlanirnar

Jonhard Hamer er stjóri saman við Eiriki Lindenskov, sum eisini er ábyrgdarblaðstjóri á Sosialinum og in.fo. 

Teir báðir siga, at ávís tvístøða hevur verið um framtíðarætlanirnar hjá Miðlahúsinum. Men nú er nýggj ætlan løgd, sum báðir partar taka undir við, og tí fara báðir stjórarnir í framtíðini at mynda felagið. 

Smápartafelagið Sosialurin rekur alt virksemið í Miðlahúsinum, sum gevur út Sosialin og in.fo.  Felagið eigur eisini partar í Prentmiðstøðini og útvarpsrásini FM1.