Stongdu hólmin - nú síggjast fleiri lundar

Stongdu hólmin - nú síggjast fleiri lundar
Tað var beinanvegin meiri lundi at síggja, tá gøtan í Mykineshólmin herfyri varð stongd
Lundalandið í Mykinesi hevur verið stongt fyri ferðafólki í tvær vikur
 
07.08.2019 - 19:40

Lundalandið í Mykinesi hevur verið stongt fyri ferðafólki í tvær vikur, og beinanvegin hevur verið meira at sæð av lundanum, sum hevur støðast betur.

Tað sigur Heini Heinesen, eigari og ferðaleiðari, sum eisini er limur í Ramsar-nevndini, í samrøðu við útvarpið. 

Hann heldur ongan iva vera um, at tað hevði verið nógv betri fyri lundan, um lundalandið í Mykinesi varð stongt fyri ferðafólki. 

 >> SÍ EISINI Mykineshólmur stongdur fyri ferðafólkum

Tvær vikur í juli fekst eisini sjón fyri søgn, at tað hevði gjørt mun fyri lundan, sum annars er illa fyri, sigur Heini Heinesen.

Lundalandið í Mykinesi varð stongt fyri fólki, tí tað var so vátt, frá um miðjan juli til eftir ólavsøku. Og tað sást beinanvegin, at hetta hóvaði lítla lundanum sera væl.

Tá grannastevna samtykti í Mykinesi, at 100 krónur skuldu takast frá fólki fyri at fara út í Mykineshólm, varð samstundis sagt, at góðkendur ferðaleiðari skuldi fylgja við ferðafólkunum.

Er kopiera
Nýggjastu sendingar í ÚV
Mánadag 18. august
Poppverturin
194202
Mánadag 18. august
Alt við tað sama, í botninum
195696
Mánadag 18. august
Morgunlestur mánadagur 18. august 2025
195624
Nýggjastu sendingar í SV
Mánadag 18. august
3-2 (18. august 2025)
195726
Mánadag 18. august
Veðrið
195712
Fríggjadag 15. august
$elfie
195650
Fríggjadag 15. august
Veðrið
195642
Mikudag 13. august
Dagur og vika - teknmálstulkað
195526