Løgreglan handtikið mótstøðuleiðaran

Wong var tikin á opnari gøtu og leiddur inn í ein bil. Saman við honum eru eisini tveir aðrir mótmælisleiðarar tiknir, Agnes Chow, sum eisini er limur í Demosisto og leiðarin í loysingarflokkinum í Hong Kong, Andy Chan.

Øll hava tey gingið á odda í mótmælunum sum hava vart síðani fyrst í juni. Í dag eru fimm ár liðin síðani kinesisku myndugleikarnir settu úr gildi eina lóg, sum gav fólkinum at velja leiðara í Hong Kong á frælsum vali.

 >> SÍ EISINI Minst 10.000 hermenn tikið seg um markið

Tí bera myndugleikarnir ótta fyri uppaftur ógvusligari mótmælum. Fyri fimm árum síðani vóru mótmælir í 79 dagar, og ein sum stóð á odda fyri teimum, var tann tá 17 ára gamli Joshua Wong.

Myndugleikarnir í Hong Kong hava sett forboð fyri mótmælum í dag av ótta fyri harðskapi, eru boðini, skrivar tíðindastovan hjá Ritzau.