KÍ føroyameistari hjá kvinnum

Eitt stig var nóg mikið og eitt stig var tað, KÍ fekk í kvøld, tá EB/Streymur/Skála var á vitjan. Dysturin endaði við málleysum javnleiki og harvið eru KÍ nú fýra stig frammanfyri HB, sum eru næstar teimum á stigatalvuni.

HB og KÍ hittast, tá síðsta umfar verður spælt 26. september, men tá er ov seint hjá HB at fáa KÍ aftur.

KÍ var einaráðandi í føroyskum kvinnufótbólti til fyri tveimum árum síðani. 17 ferðir upp í slag vunnu tær bestu kvinnudeildina, og tað er heimsmet. 

Í fjør og fyrraárið vann dagsins mótstøðulið, EB/Streymur/Skála, landskappingina, men nú eitur føroyameistarin í føroyskum kvinnufótbólti aftur KÍ.