68 fólk úr Kasakhstan handtikin í Noregi

Norska løgreglan hevur í nátt handtikið 68 útlendskar ríkisborgarar fyri brot á útlendingarlógina. Løgreglan kannaði ein bygning í Eidsvoll, har Stensby-sjúkrahúsið fyrr var.

Tey 68 fólkini vórðu handtikin tá løgreglan var á eftirlitsvitjan. Løgreglan sigur, at fólkini kanska verða víst úr landinum, skrivar norska kringvarpið, NRK.

Tikin í niðurlagdum sjúkrahúsi

Í nátt hevur løgreglan flutt tey handtiknu frá niðurlagda sjúkrahúsinum til ymisk varðhald. Romerikes Blad skrivar, at Stensby-sjúkrahúsið varð selt í 2015. 

Ætlanin var at brúka bygninginum til akuttmóttøku til 1.000 flóttafólk, men íbúgvar í økinum mótmæltu ætlanini. Tá streymurin av flóttafólki til Noregs minkaði, slepti norska uttanríksráðið ætlanunum.

Núverðandi eigarar hava kunngjørt eina ætlan um at gera bygningin um til marglætisgistingarhús, men í løtuni verður niðurlagdi sjúkrahúsbygningurin brúktur sum motell, skrivar blaðið.