- Tíðindi, mentan og ítróttur
Landasorg í Venezuela
<div>Landasorg er lýst í Venezuela, eftir at landsins forseti seinastu 14 árini, 58 ára gamli, Hugo Chávez, andaðist í gjárkvøldið. Hann hevði leingi verið sjúkur av krabbameini.</div><div><br></div><div>Chávez var ímyndin av vinstrahallum politikki í Venezuela, og hann tjóðartók nógv virkir, serliga í oljuvinnuni, og setti sær fyri at gera viðurskiftini hjá teimum fátæku betri. Og tað var eisini millum hesi at hann hevði sín holla stuðul, og tey tryggjaðu honum forsetasessin fleiri ferðir.</div><div><br></div><div>Tí var hann nógv avhildin ímillum tey sum vóru verri fyri, men hataður av teimum ríku í Venezuela.</div><div><br></div><div><b>Vildi geva øllum ein møguleika</b></div><div>- Uttan mun til, hvat fólk halda um Chávez, so legði hann lunnar undir menning í latínamerika seinastu 10 árini, siga eygleiðarar.</div><div><br></div><div>Forsetin var nógv avhildin í heimlandinum og í Latínamerika sum heild, tí hann altíð var hvassorðaður ímóti USA. </div><div><br></div><div>Í gjár tók varaforsetin í Venezuela, Nicolas Maduro, avgerð um at senda tveir amerikanskar diplomatar av landinum, og tí er líkt til, at hann heldur fram í fótasporunum hjá Chávez, siga eygleiðarar.</div><div><br></div><div>Bussførari skal stýra Venezuela</div><div>Nicolas Maduro er kendur frá fakfelagsrørsluni. Hann hevur verið uttanríkisríkisráðharri í stjórnini hjá Hugo Chávez, og síðani forsetin gjørdist illa sjúkur í fjør, hevur hann staðið á odda fyri stjórnini.</div><div><br></div><div>Sum ungur var hann bussførari í høvuðstaðnum, Caracas, og nú bíða øll í spenningi eftir, hvørja leið hann fer at stýra Venezuela.</div><div><br></div>
