- Tíðindi, mentan og ítróttur
Maður handtikin: Stakk fýra fólk við knívi
Maður handtikin: Stakk fýra fólk við knívi
Fýra fólk í Norðdepli vóru stungin av ungum manni í morgun. Maðurin varð handtikin fyrrapartin
![](https://kvf.fo/sites/default/files/styles/grein-ovasta-mynd/public/990dfc1f8c266f83d5528e5a44ce1224.png?itok=m04_a25A)
Mynd: savnsmynd
14.07.2013 - 14:45
Tað var tíðliga í morgun, at ein 18 ára gamal maður fór buldrandi inn í eini hús í Norðdepli og stakk eina gentu og ein drong við knívi. Tá tey bæði fóru rennandi inn í eini hús í grannalagnum, kom maðurin aftaná og stakk bæði mannin og konuna, sum búðu har.
Øll fýra fólkini vóru flutt á Klaksvíkar Sjúkrahús, og sambært løgregluni eru tey ikki í lívsvanda. Maðurin, sum framdi álopið, er handtikin.
Enn veit løgreglan ikki, um handtikni maðurin kennir fólkini, sum hann hevur stungið. Tey fýra fólkini eru í familju.
Meira um hetta málið í útvarpstíðindunum klokkan 14.00.
Nýggjastu sendingar í ÚV
Nýggjastu sendingar í SV