Danskur ráðharri leggur frá sær

Alt bendir á, at danski ráðharrin í menningarmálum, Christian Friis Bach, fer at leggja frá sær í dag, Hann hevur boðað til tíðindafundar á middegi okkara tíð.

Christian Friis Bach var í Miðeystri, tá hann brádliga breyt ferðina av, og fór aftur til Keypmannahavnar.

Orsøkin til, at Christian Friis Bach leggur frá sær, er trupulleikar við verðurlagsfelagsskapinum GGGI, skriva danskir miðlar. Danmark hevur latið felagsskapinum 90 milliónir krónur.

Løkke nevndarformaður

Formaðurin í Vinstraflokkinum, Lars Løkke Rasmussen, er nevndarformaður í GGGI. Hann hevur verið fyri hvøssum atfinningum fyri peninganýtslu og fíggjarligt óskil í sambandi við felagsskapin.

Lars Løkke Rasmussen sigur í dag, at ætlar at halda fram í nevndarsessinum, hóast Christian Friis Bach leggur frá sær sum ráðharri