Evropeiskt karaokekvøld í Íslandi

Mangt áhugavert gongur fyri seg í Íslandi fyri tíðina. Rørslurnar bæði fyri og ímóti íslendskum ES-limaskapi spíla seg út við tiltøkum, sum hava til endamáls at ávirka fólkið áðrenn fólkaatkvøðuna tann 29. august. 

Eitt nú skipar evroparørslan í Íslandi fyri evropeiskum karaokekvøldi. Reglan er, at sanginir skulu vera úr ES-londum ella úr Stóra Bretlandi áðrenn 2016, sigur fyriskiparin við einum smíli, og leggur aftrat, at tað ber til at samráða seg til undantøk fyri hesi regluni. 

Hóast undirhaldið er lætt og hýrurin góður, so er stjórin í íslendsku evroparørsluni, Sneirós Sindradóttir til reiðar við greiðum grundgevingum fyri íslendskum limaskapi, tá journalistarnir seta henni spurningar.

Evropeiska rørslan í Íslandi (European Movement Iceland) varð sett á stovn á evropadegnum tann 9. Mai í 2022. Stigtakararnir eru fólk við ymiskum bakgrundum og ymiskum politiskum sjónarmiðum, sum tó hava tað til felags, at tey vilja arbeiða til frama fyri íslendskum limaskapi í ES. Í dag eru 2000 limir í rørsluni.