- Tíðindi, mentan og ítróttur
Viktor Janukovitsj stígur nú alment fram
![](https://kvf.fo/sites/default/files/styles/grein-ovasta-mynd/public/victor_janokovitsj_saman_vid_odrum.jpg?itok=qpF3vOdD)
Viktor Janukovitsj segði á tíðindafundinum, at talan var ikki um eina kollvelting, men at hann varð noyddur at flýggja úr Ukraina av einum minniluta, ið hótti hann eftir lívinum.
Janukovitsj sigur, at fyribils lóggávutingið, ið er sett, er ólógligt og er mannað av ungum fasistum, sum bert er umboðað av einum minniluta av fólkum í Ukraina.
SÍ EISINI Ukraina heitir á Trygdarráðið hjá ST um hjálp
Í morgun ákærdi Russland Ukraina fyri at hava skipað fyri eini vápnaðari innrás, tá tveir flogvallir á Krim hálvoynni vórðu hertiknir - ein almennur og ein hernaðarligur.
Var til reiðar at verja Ukraina
Viktor Janukovitsj sigur, sambært BBC, at ætlan hansara ongantíð var at flýggja úr Ukraina, tá ófriðurin var í hæddini, men at hann kendi seg noyddan at flýggja.
- Tað, sum nú gongur fyri seg, er lógloysi, væntandi virðing fyri myndugleikunum og beinleiðis yvirgangur, segði Janukovitsj á tíðindafundinum fríggjamorgunin.
Einasti vegurin, úr kreppuni hjá Ukraina, er at seta í verk avtaluna, Janukovitsj í farnu viku skrivaði undir við tríggjar andstøðuleiðarar, verður hann endurgivin fyri at siga.