Gransking: Kálk í kostinum fyribyrgir fiti

<p>- Vit hava prógvað, at tað er samanhangur millum kálk í matinum hjá fólki og fiti, sigur Sofus C. Larsen, granskari á Institut for Sygdomsforebyggelse á Frederiksberg Hospital.</p>

<p>Dámar tær mjólk, ost og smør, kanst tú fegnast. Nýggj gransking vísir, at fært tú nóg mikið av kálki í matinum, eru sannlíkindini eisini minni fyri, at tú verður feit ella feitur um miðjuna.</p>

<p>Tað er høvuðsniðurstøðan, sum eitt lið av granskarum eru komnir fram til í danskari gransking, har 7.569 fólk vórðu kannað, skrivar <a href="http://videnskab.dk/krop-sundhed/kalk-i-kosten-forebygger-fedme" target="_blank">videnskab.dk</a></p>

<p><strong>Mjólkarúrdráttir ikki nýtast sum klænkingarkurur</strong></p>

<p>- Sum heild prógvar okkara gransking, at tað er ymiskt, júst hvussu kálk ávirkar fitiinnihaldið hjá fólki, sigur Sofus C. Larsen, granskari.</p>

<p>Eitt er tó heilt greitt. Fólk, ið ikki fáa nóg mikið av kálki í mjólkarúrdráttum, eru í størri vanda fyri at gerast feit um miðjuna er høvuðsniðurstøðan í granskingini.</p>

<p>Tískil skal tað ikki skiljast sum at mjólkarúrdráttir skulu nýtast sum ein klænkingarkurur. Granskingin prógvar, at tað er ójavnt, í hvønn mun kálk í mati ávirkar fita hjá fólki.</p>

<p><strong>Kálk í osti best</strong></p>

<p>Tað er munur á í hvørjum mati tú fært kálk gjøgnum føðina, kemur fram í granskingini. Kálk, sum er í osti, hevur betri árin enn kálk í mjólk og smøri, vísa granskingarúrslitini.</p>

<p>- Hetta hongur saman við tarmskipanini hjá fólki. Calcium í osti er betri, tí feittið í osti verður betri skilt út í tarmunum, sigur Sofus C. Larsen, granskari.</p>

<p>Granskingarliðið vónar, at nýggju granskingarúrslitini kunnu byrta undir, at enn meira verður gjørt við at kanna árinini, mjólkarúrdráttir kunnu hava á heilsuna hjá fólki.</p>