- Tíðindi, mentan og ítróttur
ES, Norra og Føroyar undirskriva fimm ára avtalu
ES, Norra og Føroyar undirskriva fimm ára avtalu
ES, Norra og Føroyar fara í kvøld at undirskriva eina makrelavtalu, sum er galdandi næstu fimm árini.
12.03.2014 - 17:46
Enn vilja føroyskir myndugleikar ikki vátta tíðindini, men danska Fiskimálaráðið váttar fyri Kringvarpinum, at avtalan verður undirskrivað klokkan 18.
Ísland er ikki partur av hesari makrelavtaluni. Sum skilst setur avtalan heldur ikki handilsforðingarnar, sum ES hevur sett føroyingum, úr gildi.
Jacob Vestergaard, landsstýrismaður í fiskivinnumálum, hevur verið á fundi við Uttanlandsnevndina í dag. Limir í uttanlandsnevndini fáast ikki at siga nakað um avtaluna, og landsstýrismaðurin og samráðingarleiðarin Herluf Sigvaldsson hava ikki verið at hitt í dag. Aðalstjórin í fiskimálaráðnum, Rógvi Reinert, vil heldur ikki vátta tíðindini.
Er kopiera
Nýggjastu sendingar í ÚV
Nýggjastu sendingar í SV
