Altjóða samfelagið góðtekur ikki valúrslit á Krim

<p>Tá helvtin av øllum atkvøðunum vóru taldar upp, høvdu 95,5 prosent valt loysingina. Hálvoyggin fer nú at søkja um at blíva upptikin sum partur av Russlandi.</p>

<p>Hvørki stjórnarvaldið í Kiev, ella vesturheimurin góðtekur tó valúrslitið, skrivar tíðindastovan Reuters.</p>

<p>- Fólkaatkvøðan er í stríð við ukrainsku grundlógina, segði eitt talsfólk fyri Hvíta húsið eftir valið sunnudagin.</p>

<p><strong>Vilja ikki góðtaka valúrslit</strong></p>

<p>- Altjóða samfelagið fer ikki at góðtaka eitt valúrslit, frá einum vali, sum verður hildið í skugganum av hóttanum frá russiska herinum, og við eina hernaðarligari innrás, sum er í stríð við altjóða lóggávu, segði talsfólki.</p>

<p>Lokalu myndugleikarnir á hálvoynni fara væntandi at lýsa hálvoynna sjálvstøðuga og leysa av Ukraina longu í dag.</p>

<p>Bæði ES og USA hava hótt við tiltøkum, og væntandi verða tiltøkini viðgjørd bæði í Brússel og í Washington í dag og í morgin og møguliga sett í verk fyrsta dagin.</p>