LISA aðalfundurin góðtikið nýtt limafelag

Tað er ikki ofta,at nýggj feløg verða til, men seinnu árini eru tó nøkur, sum eisini eru komin við í LISA. Nýggjasta felagið, Føroysk Filmsfólk, er 11. limafelagið í LISA.

Á aðalfundinum hjá LISA 27.mai varð felagið Føroysk Filmsfólk góðtikið sum limur, á jøvnum føti við hini feløgini. Ymiskt er, hvussu nógvar limir ymsu feløgini hava, og hvussu væl limirnir eru skipaðir.

Tí er LISA eitt gott høvi hjá limafeløgunum at viðgera felags áhugamál, men eisini at fáa vegleiðing frá hinum.

Nenvdin afturvald á fundinum

Á aðalfundinum var eisini nevndarval á skránni. Bárður í Baiansstovu og Guðrið Poulsen stóðu fyri vali, og tey vórðu bæði vald aftur í nevndina.

Báðir tiltakslimirnir vóru eisini afturvaldir, Jóannes Andreasen fyri Bárð, og Ole Wich fyri Guðrið.

Enn hevur nevndin ikki skipað seg, men Bárður hevur seinasta skeiðið verið formaður. Triði nevndarlimurin er Marita Dalsgaard.

Eykaaðalfundur í heyst

Týdningarmikil evni hava verið frammi seinasta ári, og eru ikki liðugt avgreidd enn. Eitt er umskipanin av Mentannargrunni Landsins, og eisini hvussu játtaði peningurin til filmslist skal býtast.

Neyðugt er við eykaaðalfundi í heyst, har lógarreglurnar skulu dagførast. Millum annað mannagongdirnar, tá nevndir og ráð skulu mannast.