Ringasta mýggjabita-summarið nakrantíð í Føroyum

<p>Fuglafrøðingurin í Nólsoy, Jens-Kjeld Jensen, er ikki í iva. Ongantíð áður hava føroyingar verið so illa plágaðir av mýggjabitum, sum teir fara at verða í summar, sigur hann við útvarpið.</p>

<p>Jens-Kjeld Jensen hevur seinnu árini hildið eitt vakið eyga við mýggjabitum í Føroyum. Tað, hann hevur eygleitt, fert tú eisini at merkja á egnan kropp í summar, tá tú ferðast í náttúruni.</p>

<p>Niðurstøðan hjá fuglafrøðinginum er heilt greið; gerið tykkum til reiðar til eitt summar við so nógvum mýggjabitum, sum tit ikki nakrantíð áður hava sæð, sigur fuglafrøðingurin.</p>

<p><strong>Lýggjari veður høvuðsorsøkin</strong></p>

<p>Orsøkin, til at føroyingar fara at verða illa plágaðir av mýggjabitum í summar, er veðurlagsbroytingar, sum eisini hava ávirkað nøringina hjá mýggjabitum í Føroyum tey seinnu árini.</p>

<p>- Der har ikke været så meget sne de seneste år, og om foråret har vi også haft mildt og vådt vejr på Færøerne. Det har været perfekte forhold for dem at yngle, sigur Jens-Kjeld Jensen.</p>

<p>Tey góðu tíðindini eru kortini, at júst tað eina slagið slagið av mýggjabitum, ið nørist væl í løtuni, ikki fer at bíta so illa sum teir, vit kenna best í Føroyum, sigur hann við útvarpið.</p>

<p>Hóast hansara eygleiðingar siga, at hetta verður eitt hitt ringasta summarið við mýggjabitum kring allar Føroyar, verður kortini ringast hjá fólki í Suðuroy, sigur Jens-Kjeld Jensen.</p>