Víkingur og HB í finaluni

Tað verða Víkingur og HB sum møtast í finaluni um Løgmanssteypið tann 30.august.

HB vann í kvøld 1-0 á B68 í Gundadali. Málið skeyt Rene S. Joensen, tá fimm minuttir vóru farnir av seinna hálvleiki.

HB vann eisini fyrru hálvfinaluna 1-0, og tískil fara teir víðari við samanløgdum 2-0 sigri á B68.

Víkingur í finaluni triðja árið á rað

EB/Streymur vann 2-0 á Víkingi við Margáir í kvøld, men tað var ikki nokk, tí Víkingur vann fyrra dystin 4-1, og fara teir tí víðari við samanløgdum 4-3 sigri.

Málini hjá EB/Streymi skeyt Hans Pauli Samuelsen. Tað fyrra kom tá 5.minuttir vóru farnir, og tað seinna kom tá 66.minuttir vóru farnir.

Víkingur vann finaluna um Løgmanssteypið í bæði 2012 og 2013. Tá var mótstøðuliðið EB/Streymur. 

HB er í finaluni fyri fyrstu ferð síðan 2007. Tá tapti HB fyri EB/Streymi. Seinast HB vann steypakappingina var í 2004 (3-1 á NSÍ).