Ein vána loysn fyri vána keyp

Ein vána loysn fyri vána keyp
Brúkaraumboðið vil hava bíligari og skjótari loysn enn rættarmál, tá fólk hava gjørt eitt vánaligt keyp ella halda seg vera snýtt
Rannvá Ragnarsdóttir, Brúkaraumboð
 
09.07.2014 - 10:19

Fólk, sum hava keypt eitthvørt, tey ikki eru nøgd við, eiga at hava onkran annan enn Føroya rætt at kæra sína neyð til.

Í Danmark til dømis ber til at kæra til eina brúkarakærunevnd.   

Í Føroyum noyðast fólk, sum halda seg hava gjørt eitt vána keyp ella enntá halda seg vera lumpað, at fara í rættin, vilja tey krevja sín rætt.

Og tað er ein óheppin støða hjá brúkaranum, heldur Brúkaraumboðið.

Tí eitt rættarmál kostar oftast nógv meira enn keypta vøran, sum stríðið er um. 

Tí eigur brúkarin at fáa tílík mál loyst á slíkan hátt, at kostnaðurin verður avmarkaður, og málsviðgerðin ikki gerst ov drúgv, heldur Brúkaraumboðið.

Rannvá Ragnarsdóttir, brúkaraumboð, mælir til at gera okkurt fyri at hjálpa fólkum, sum eru misnøgd við okkurt, tey hava keypt.

Brúkarasamtakið 

Brúkaraumboðið mælir eisini til at broyta fráboðanarfreistina í keypilógini úr einum ári upp í tvey ár. 

Í ES og í Norra er freistin at boða frá, at ein keypt vøra ikki er í lagi, tvey ár. Í Føroyum er hendan freistin bara eitt ár. 

Í ársfrágreiðingini fyri 2013 mælir Brúkaraumboðið eisini til, at Brúkarasamtakið kemur í fíggjarlógina, so tað kann fara at virka aftur. 

Tað hevði styrkt støðuna hjá føroysku brúkarunum, sigur Rannvá Ragnarsdóttir. 

  

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486