Danmark eigur at umhugsa tiltøk móti Ísrael

Í samrøðu við Jyllands-Postin sigur Martin Lidegaard, at bæði Danmark og ES fara at viðgera møguleikan at seta tiltøk í verk ímóti Ísrael, og verða framstig ikki gjørd í friðarsamráðingunum, og báðir partar slaka, fer hann at reisa málið á næsta ES-uttanríkisráðharrafundi. 

Martin Lidegaard krevur m.a., at Ísrael setur stongsilin móti Gaza úr gildi, og at ólógliga búsetingin, sum hann málber seg, heldur uppat, tí tey forða fyri eini loysn, har Ísrael og Palestina verða hvør sítt land, sigur hann.

Samstundis skulu Hamas og aðrir hernaðarligir bólkar í Gaza avvápnast, sigur Martin Lidegaard í samrøðuni við Jyllands-Postin.

Friðarsamráðingarnar millum Ísrael og Palestina byrja í Kairo í hesi vikuni.