Mistak í Dallas

Hetta hendi, hóast starvsfólkini á sjúkrahúsinum vistu, at maðurin hevði verið og ferðast í Libera, har ebola umfarsjúkan herjar.

Sambært The New York Times vendi maðurin sær til eitt sjúkrahús í Dallas, ti hann var blivin sjúkur, tá hann var komin heim aftur.

Men maðurin varð sendur heim aftur, tí læknanir hildu, at hann hevði fepur orsakað av hálsbruna. Maðurin er nú innlagdur við ebola.

Síðan maðurin varð sendur heim frá sjúkrahúsinum, hevur hann havt samband við umleið 10 fólk, harímillum fleiri børn, sum nú eru í stórum vanda fyri at vera smittað.

Myndugleikarnir hava eftirlit við øllum fólkunum, sum teir vita, at maðurin hevur havt samband við. Eisini er íbúðin, sum maðurin búði í, blivin sóttreinsað.