Frágreiðingin kom ongantíð - stjórin segði upp

Óli Hans Olsen hevur sagt seg úr starvi sum stjóri á Vørn. 

Tað boðar Uttanríkis- og fiskimálaráðið frá í morgun.

Málið hevur samband við, at ein skjóttgangandi bátur rendi á Brimil leygardagin 16. mai, tá ið bátastevna var í Vestmanna.

Tað váttar Herálvur Joensen, aðalstjóri í uttanríkis- og fiskimálaráðið.

Johan Simonsen, Jóhan Simonsen

Frágreiðingin kom ongantíð

Aðalstjórin bað stjóran í Vørn, nú fyrrverandi stjóran, um eina frágreiðing, men hon kom ongantíð. Stjórin segði upp, sigur Herálvur Joensen, 

Jóhan Simonsen, deildarstjóri á Vørn, tekur við sum virkandi fyribils stjóri. Eftir summarfrítíðina verður søkt eftir nýggjum stjóra.

Óli Hans Olsen verður tó tøkur komandi mánaðin at hjálpa til við málum, sum kunnu stinga seg upp.

Uttanríkis- og fiskimálaráðið ger ikki meiri við málið. 

Maður skuldsettur

Løgreglan hevur annars skuldsett ein mann fyri brot á revsilógina og fyri brot á lógina um trygd á sjónum. 

Tað er í sambandi við, at skjóttgangandi báturin rendi á vaktar- og bjargingarskipið Brimil í Vestmanna, og at fólk vóru flutt á Landssjúkrahúsið. 

Hans Johannes á Brúgv, stjóri í Sjóvinnustýrinum, segði við útvarpið 20. mai, at hann hevði heitt á løgregluna um at kanna møgulig brot á tær reglur, sum Sjóvinnustýrið umsitur.

Kanningararbeiðið heldur fram.