Viðareiðistunnilin: Lata fyrsta skotið av í dag

Í dag klokkan tvey verður fyrsta skotið latið av fyri Viðereiðistunnilin.

Tað verður Hvannasundsmegin. 

Bergholið verður 1939 metrar úr Hvannasundi til Undir Fossinum Inni í Dølum. 

Ferðslutøl frá 2012 siga, at í miðal koyra 432 bilar um samdøgrið eftir Viðareiðisvegnum. Í 2024 er talið komið upp í 510 bilar, verður mett. 

Tilfarið fer í vegir

Tilfarið úr tunlinum verður brúkt til tilkoyringarvegirnar, og møguligt avlop verður lagt í grótbrotið Viðareiðismegin til møguligar ætlanir hjá Viðareiðis kommunu, upplýsir Landsverk. 

Nýggja Viðareiðisfarleiðin skal eftir ætlan vera liðug í 2017.

Løgtingið hevur játtað 162 mió. kr. til arbeiðið.