Útflutningur í ár nakað minni enn í fjør

Útflutningur í ár hevur verið nakað minni enn í fjør.

Hagstovan upplýsir, at útflutningurin av fiskavørum fyrstu 10 mánaðirnar í ár var 309 túsund tons.

Tað eru 31 túsund tons minni, sammett við sama tíðarskeið í fjør. Tað er ein minking upp á 9 prosent.

Virðið er kortini nakað tað sama. Føroyar útfluttu fyri 4.910 milliónir krónur í fiskavørum fyrstu 10 mánaðirnar í ár, tað eru 12 milliónir krónur meira enn í fjør.

Tað er uppsjóvarfiskiskapurin, sum er orsøkin til tað, sigur Hagstovan.