Prísurin niður: Hesar eru nú bíligari

Heilivágur er vorðin bíligari, men ikki nógv kortini. Príslækkingin er tvey prosent. Karsten Hansen, landsstýrismaður í heilsumálum, hevur álagt Apoteksverkinum at lækka prísin á øllum heilivági tvey prosent. Broytingin kom í gildi nýggjársdag.

SÍ EISINI Undrast á at Apoteksverkið skal hava avlop

Apoteksverkið hevur einkarrætt at flyta inn og selja heilivág í Føroyum. Prísirnir eru ásettir í kunngerðini um áseting av søluprísi á heilivági. Ta kunngerðina hevur Karsten Hansen broytt, so prísirnir nú lækka.