Noreg steðgar í tveir tímar

Seinnapartin steðgar Noreg í tveir tímar. Tey flestu fakfeløgini hava lýst aðalverkfall, som mótmæli móti broytingum í arbeiðsumhvørvislógini

Norska samfelagið steðgar upp í tveir tímar seinnapartin. Tey flestu fakfeløgini hava lýst aðalverkfall, tí tey mótmæla, at arbeiðsumhvørvislógin verður broytt

Sigrún H. Brend

Bjarni Mohr

28.01.2015 - 14:32

Norska stjórnin ynskir at tað skal gerast lættari hjá arbeiðsgevarum at seta fólk í tíðaravmarkað størv. Verkfallið er lýst at vera frá klokkan 14 til 16. Samstundis vera stórar mótmælisgongur um alt Noreg.

Verkfallið rakar eisini norsku oljuframleiðsluna, tí millum annað eru allir 60.000 limirnir í Industri Energi tiknir út í verkfall. Christopher Birknes, skrivari í Industri Energi, sigur við Stavanger Aftenblad, at tey fara í verkfall fyri at mótmæla.

Tað verður gjørt, tí lógarbroytingin kemur at raka trygdarviðurskiftini á boripallunum. Av teimum 60.000 limunum í Industri energi, eru 15.000 umborð á boripallum.

Boripallar hjá millum annað BP, ConocoPhillips og Statoil verða raktir av verkfallinum. Birknes vísir á at hetta ikki er eitt verkfall sum er meint at raka arbeiðsgevaran, men politisku leiðsluna í Noregi.