Annar motorurin á Teivanflogfarinum steðgaði

At annar motorurin steðgaði varð helst orsøkin til, at eitt flogfar datt niður í Teivan í gjár. 

Teivansku myndugleikarnir siga, at teir hava ikki kunngjørt upptøkuna, sum tí helst stavar frá fólki, sum hava lurtað eftir radio-samskiftinum. 

Flogfarið, sum flogfelagið TransAsia átti, var á veg úr teivanska høvuðsstaðnum, Taipei, til oynna Kinmen. 

Brádliga misti flogfarið flogið, vongurin rakti ein hýruvogn, sum koyrdi eftir einari brúgv, og tað datt síðani niður í eina á í teivanska høvuðsstaðnum. 

58 fólk vóru við flogfarinum, tey flestu kinesarar. Í minsta lagi 23 fólk eru deyð, og 24 eru ikki komin afturíaftur.

Flogfarið var ikki ársgamalt, og tað hevði verið til trygdareftirlit seinast í januar.