Tveir menn handtiknir fyri yvirgangsætlanir

Løgreglan í Avstralia hevur forðað fyri einum yvirgangsálopi, ið eftir ætlan skuldi verða framt í Sydney í gjár, týsdagin

Løgreglan í Avstralia hevur handtikið tveir menn í Fairfield, uttanfyri Sydney, tí menninir høvdu ætlanir at fremja yvirgang í Sydney

Mynd: AP

Bjarni Mohr

11.02.2015 - 09:14

Avstralska løgreglan upplýsir í morgun, at hon hevur forðað einum yvirgangsálopi, ið skuldi verða framt í avstralska stórbýnum, Sydney, skrivar tíðindastovan, AP.

Tveir menn vórðu í gjár handtiknir í býnum Fairfield, uttanfyri stórbýin Sydney. Í heiminum hjá monnunum fann løgreglan vápn, millum annað fleiri knívar.

Greinin heldur fram niðanfyri

Two Sydney men charged with planning an imminent terrorist attack: http://t.co/crhFr8LDC0
— The Associated Press (@AP) February 11, 2015

Tað var ein ónevnd fráboðan til løgregluna, ið gjørdi at løgreglan kundi handtaka teir báðar menninar. Løgreglan bar skjótt at, eftir at fráboðanin kom, og handtók tveir menn, 24 og 25 ár, fyri yvirgangsætlanir.

Tá menninir vórðu handtiknir fann løgreglan eisini eitt heimagjørt flagg við búmerkinum hjá Islamiskum stati. Nú verður kannað um teir handtiknu menninir hava samband við Islamiskan stat.

- Vit hava illgruna um, at menninir høvdu ætlanir at særa onnur fólk, eisini at drepa onnur fólk, sigur ein talsmaður hjá løgregluni sambært tíðindastovuni, Associated Press.