Uppreistrarmenn tikið valdið

Uppreistrarmenninir leypa á býin, og teir fáa stuðul frá stríðsvognum, verður sagt. Fleiri túsund ukrainskir hermenn eru í Debaltseve, sum hevur stóran týdning í Donetsk-landspartinum har eysturi í landinum.

Umleið 8.000 stjórnarhermenn eru í býnum, men uppreistrardeildirnar hava valdið í pørtum av býnum. Harðir bardagar eru í Debaltseve, hóast vápnahvíld kom í gildi sunnunáttina.

SÍ EISINI Lítil virðing fyri vápnahvíldini: Fimm latið lív

Amerikanski varaforsetin, Joe Biden, fordømir brotini á vápnahvíldina í Ukraina og sigur, at russiskt sinnaðu uppreistrardeildirnar hava skyldina.

- Heldur Russland á at bróta avtalurnar, sum vórðu gjørdar í Minsk, eisini ta seinastu, sum skrivað varð undir 12. februar, fer tað at kosta Russlandi dýrt, sigur Joe Biden.